Каке

Вердернинг тўп киритиш машинаси охирги ўйинларда ишламаяпти. Охирги тўртта ўйин ичида битта ғалаба, иккита дуранг ва битта мағлубият. Натижада, икки ҳафтадан буён Вердер биринчи ўринда эмас. Ўтган ҳафта Штутгард биринчи эди, бу ҳафта эса Шалке.

Ачинарлиси, ўйинчилар майдонга футбол ўйнаш ва ютиш кайфияти билан чиқмаганга ўхшайди. Вердернинг ўйинида на ҳаракат на яратувчилик бор. Ўйинчилар Барсага қарши дурангга ўйнадик ва икки марта олтита тўп киритдик энди рақиблар ўзидан ўзи бой беради деб ўйлаган бўлиши керак. Жорий вазиятга бошқача таъриф бериб бўлмайди.

Мураббийга ҳам ҳайронман. Жамоанинг иши мана тўртта ўйиндан бери юришмайди у эса жамоа таркибига ҳеч қандай ўзгартириш киритмайди. Масалан Арон Ҳант, 21 ёшарли ҳужумчи. Яққол кўриниб турибди у аллақачон чарчаган, майдонда 90 дақиқа югуролмайди. Ўйиннинг бошидан унинг ўрнига Алмейда ёки Зиданни қўйиш мумкин. Ёки Арон билан бошлаб ўйининг иккинчи яримида уни Алмейда ёки Зиданнга алмаштириш мумкин.

Ҳар ҳолда, Вердер ўйин усулини ўзгартирмаса келаётган чоршанба куни Челсига қарши ўйин шармандаликка айланиши мумкин. Умид қиламан, чоршанба куни Вердер ҳудди Барсага қарши ўйин кўрсатгандек ўйнайди ёки мағлубиятга учраса ҳам ҳеч бўлмаганда ўйининг охирги сониясигача курашиб 1:2-га ўхшаган натижа билан тугатади.