Икки жамоада ҳам жаҳон даражасидаги ўйинчилар бор. Вердерда, Олмония миллий жамоасида ўйнайдиган учта ўйинчи бор: Клозе, Боровски ва Фрингс. Клозе ўтган жаҳон чемпионатида дарвозага энг кўп марта тўп киритганини эслатмасам ҳам бўлади. :-) Бундан ташқари, бразилиялик Налдо ва янги келган Диего ҳам бор. Диего биринчи иккита ўйинда маҳорати билан ҳаммани аллақачон лол қолдирди.
Барса ҳақида ёзишни ҳам кераги йўқ. Ҳамма яхши билади. Роналдинио, Деко, Это, Месси, Тюрам, Замбротта ва бошқа юлдузлар тўплами. Ўтган йили ҳам Вердер Барса билан битта гуруҳга тушган эди. Натижада, иккаласи ҳам кейинги босқичга ўтган эди. Мусобақанинг охирида Барса Арсенал устидан ғалаба қозонган эди.
Афсуски, мен ўтган йили Бременда Барсанинг ўйинига тушолмаган эдим. Ўшанда, Вердер уйда ҳам меҳмонда ҳам ютқазган эди. Бунга қарамасдан, айтганимдек, кейинги босқичга ўтган эди. У ерда Вердер Ювентусга қарши ўйнади. Уйдаги ўйинни мен ўйингоҳда томоша қилган эдим. Ўйин жуда қизиқарли ва чиройли бўлиб Вердернинг ғалабаси билан тугаган эди. Бизларнинг қувончимизга чегара йўқ эди.
Ўша вақтларда ҳали буюк Мику "Le chef" Вердерда тўп сурар эди. Қани энди у яна қайтиб келса. Ишончим комил бутун Бремен "Ҳей, Жуд"ни фақат у учун ижро этарди. Аммо у қайтиб келмайди. :-(
Ҳозир Вердер жуда қийин вақтларга дуч келган. Янги сезон жуда яхши бошланган эди. Лига кубогининг финалида Байерн устидан чиройли ғалаба қозонган эди. Бундеслигада биринчи иккита ўйинда ҳам майдондан ғолиб сифатида қайтган эди. Кейин Шалкега, 23490764-чи лигада ўйнайдиган Пирмазенсга, Штутгартга ҳам бой берди. Қисқаси ишлари ҳеч юришмаяпти. Ҳа, Челсига ҳам бой берган эди, аммо улар Челси-ку. Бундан ташқари, ўйиннинг охиригача курашган эди.
Насиб бўлса, бугун омади чопади. Ҳар ҳолда, бугун уйида ўйнайди. Бир оз бўлса ҳам, бу уларга мадад беради. Ишончим комил ўйин, қандай тугашидан қатъий назар, у жуда қизиқарли бўлади.
Ауф гейтс Вердер шист айн тор, шист анй тор, шист анй тороор... :-)
No comments:
Post a Comment